【讀者M 來稿】
（真實事件發生在我公司，後部稍作增加。全公司都係藍血人，努力單打獨鬥中，但我係唔會放棄的！）
今天L小姐拿著兩件蛋糕，一件是芒果切餅，另一件是水蜜桃件餅，請我選一件，說自己不吃了。
我問：點解唔食呀？
L小姐欲言又止：真係要講原因？
我：講黎聽下！
L小姐：啲餅咁 CHEAP !
我：嘩！都10幾蚊一件，唔 CHEAP 啦！
L小姐：當你試過啲好好好好味嘅蛋糕，你就會覺得呢啲蛋糕唔夠好食！試過好嘢就翻唔到轉頭。
於是…… 我望住佢笑！
L小姐追問我笑咩？
我：你試過啲好嘢就覺得呢件10幾蚊其實唔平嘅蛋糕唔好食。但係點解你而家享受緊自由民主，而家香港咁多唔同界別嘅專業人士同年輕人為民主自由努力抗爭，你會覺得啲抗爭者唔啱？連聯合國都話香港警方使用過份武力嘅時候，你仍然覺得無問題？
最後，L小姐話…… 唔好講呢啲啦！
但係，點解你地每日不斷提示威遊行…… “今日又搞邊？”
我無言！
因為……
係咪當件事傷害唔到你嘅時侯，你就可以置身事外？
因為721元朗恐襲唔係發生係你身上？就當件事無發生過？
你認為克警刻意射布袋彈到那位救護員女孩的頭而導致她一隻眼睛爆裂致盲，是正確的？
你認為克警係街隨便打街坊，亂咁拉人時，是正確的？
你認為克警係條無人的街道上不繼發射催淚彈，是正確的？
你認為克警近距離射擊一個人頭部是正確的？
你認為克警對那些已毫無抵抗力的示威者作出暴力是正確的？
唔睇新聞，不問世事唔緊要，但……請不要附和那些無知的人！
認清事實後，才作出評論，不要盲從附和，請拿出你的良知和人性！
現在我們說的不是政治，是 “良知！”
