最近忙於正職工作，把聲已經好耐冇出現喺直播，經過呢幾日嘅拯救理大更加係疲於奔命，兩日加埋淨係訓到四個鐘，入睡前卻執意要撰寫此文。
昨夜油麻地大戰，畫面中一輛白色小巴如黃金入球般全力上全力上，司機本著開得快不等於不安全的心態，恍惚害怕撞不死人。
如斯畫面映入眼簾，令我回想起一單因為飄移被落案起訴危險駕駛的案件。印象深刻，不是因為被告人飄移的招式多誇張，而是練官的一句：「俾你考到個車牌唔係俾你要嚟咁揸車！」。
我們有選擇學習技能的能力，亦有能力選擇如何運用這些已學習的技能。
五個多月過去，藉此文必須感謝各位揸得一手好車，懷著一顆真心的家長。多謝你地永遠喺仔女、記者、急救員需要你地嘅時候義不容辭：「邊度去邊度」、「得無問題」、「一個人喺街危險我到左你先落嚟」、「兩分鐘後到」、「留喺安全地方」、「洗唔洗返黎接你？」、「轉頭返黎兜返你」⋯下刪一萬句家長們心中默默的擔心，即使只是緣慳一面。
身邊有真成為家長的朋友每次見到各位年輕人都心中自愧不如，還記得中大二號橋一役，呢位真家長朋友問：我仲可以為你地做啲咩？
你有車，你有車牌，可以做嘅事其實好多。
機場、中大、理大，只要有車路，就永遠都有家長接放學。
家長們，千祈唔好低估自己，所指嘅「低估」，唔係你嘅駕駛技術、唔係你可以走幾多轉嘅能力、唔係你個車位月租貴唔貴，而係仔女們身經百戰後見到你地嘅嗰一份感動。
雖然有時候，或者你會質疑自己可以為呢場運動做到啲咩，質疑完，不妨諗一諗，考到車牌，係咪真係只可以停車熄匙咁簡單。
