地區組織「天水連線」元朗區議員伍健偉前日(26日)在Facebook發文，指一星期內若專頁的讚好數仍低於何君堯的話，將辭去區議員職務。
伍健偉前晚11時於專頁發文指，出席元朗區議員召開的記者會後，回到辦事處看到港台節目「延後之戰」的節目，發現最多讚好數的新界西政治人物是建制派的何君堯，圖片亦表示何君堯的Facebook專頁有138,542的讚好。伍表示，作為一直堅信算己是代表「真香港人」的代議士，無法接受。
伍健偉亦表示，由8月26日晚上11時起計一星期，若他的專頁的支持者仍低於何君堯的話，將會辭去區議員職務，「日後絕不從事任何政治工作，我會返去做返港豬同埋等差佬濫捕我。」此外，伍亦表示，若因為國安法、武漢肺炎而無法實體公投的話，將以LIKE數代表721真相民意的公投。又指若果著黑衫是表態支持抗爭者的話，「咁我要你地like就當係收子彈」，於留言中又指「如果香港有二百萬人，我要十萬人表態其實唔過份」
伍健偉的帖文後，隨即引起多名公眾人物和網民留言討論。有網民表示「要Like嘅話，做好啲會有人欣賞架啦。如果唔夠Like，不如諗下點樣add value?」「千祈唔好意氣用事，議席得來不易。齊上齊落呀…」藝人杜汶澤亦在帖文留言，指「正經啲啦 響度扭計 仲細咩你 起身返工啦」油尖旺區議員陳嘉朗在Facebook表示「議席得來不易,是香港人過去一段時間用血汗換回來,隨便為呃LIKE喊辭職,你對得起所有犧牲了、出走了的手足嗎?」
部分元朗區區議員亦就此事發表回應，元朗區議員王伯羽在Facebook批評，伍健偉的行為是情緒勒索，「係咪食開人血饅頭以為次次冇人出聲就可以咁食法?」「咁你不如叫人一人一蚊捐錢比你睇下你收到幾多」
同屬「天水連線」元朗區議員林進在Facebook表示，雖不認同伍的做法，但會尊重伍的決定，隨後亦發文向王伯羽質問「你憑咩認為佢會唔辭職呢？」「『食開人血饅頭』係咩意思？」「『次次』又係咩意思？」亦約昨日一齊開直播向記者講清講楚「咁鐘意玩FB咪一齊玩」
元朗區議員張秀賢亦在Facebook專頁表示，「我唔會胡亂作出任何政治承諾，因為我做所有野，講每一句說話，都要對得到自己，亦都要對得住街坊。我最憎啲亂開空頭支票，政治立場不斷變化嘅政棍，而我做左呢啲人嘅話，請拉我落嚟。」又指「做咁多實事，更加唔應該亂講辭職。」
黃大仙區議員公民黨的劉珈汶以及鄭文杰就此發起「一人一蚊撐手足」行動，呼籲一人最少捐一元到認為可信的組織，指一星期內籌款數字未達特首林鄭月娥的43.4萬周薪亦不會辭職，又指將會連續一個月到全港各區開早站。行動獲多名民主派區議員支持。
截至8月28日早上1時正，伍健偉專頁的讚好數由約8000人讚好升至約13萬3千人讚好。
撰 ／ J仔
圖 ／ Hong
—————————————————————
香城公民媒體
Hong Kong Citizen Media
https://hkcitizenmedia.com/
